Hræsni og ósvífin

Jón Ingi segir allt sem þarf að segja um þessa frétt. Ósvífin nær nýjum hæðum.

Sigur lífskjaranna

Sekur uns sakleysi er sannað!

 

Nauðgun er eitt af því versta sem hægt er að gera hverri manneskju og það sem ómögulegt er annað en að fyllast sorg yfir. Þegar troðið er á því allraheilagasta og persónulegasta í lífi hvers manns þá á það að snerta okkur öll og skömminn er okkar allra. En ef saklaus maður er lokaður inni í fangelsi þá er einnig verið að troða á einu af því allra heilagasta í lífi hverrar manneskju: FRELSINU! Það er sorglegt að umræðan um falsákærur skuli týnast í fári efnahags og stjórnarkreppu,þó skiljanlegt samt, því það er held eg engin sem gerir sér grein fyrir þeim þunga sem lagt er á mann að vera dæmdur saklaus og án sannana. Fyrir ekki alllöngu þá ásakaði stúlka menn um nauðgun en ef einn mannana hefði ekki verið með upptöku af þessu þá hefðu þessir menn verið dæmdir án þess að upp hefði komið nokkur efi eða nokkur hefði hugsað sig um tvisvar. Þeir hefðu verið teknir af lífi ef almenningur í sinni "réttlátu" reiði hefðu fengið að ráða. Fólk er fljótt að dæma og fjölmiðlar oftast óábyrgir í umfjöllun sinni og fólk bara trúir án þess að hugsa, það er sorglegt. Falsákærur hafa lítið verið í umræðunni hér á landi og farið hljótt ef upp hefur komist, samanber að það virðist varla neinn hafa fyrir því að blogga um þetta eða minnast á þetta á annan hátt. Með gallað réttarkerfi eins og við búum við, þar sem virðist ekki þurfa að sanna sök í þessum málum, þá ætti þessi umræða að vera háværari, því engin er óhultur eins og sást með þessa ákæru frá stúlkunni. Svo er það málið á hvaða vettvangi er hægt að vekja athyggli og umræðu um þetta nú á síðustu og verstu tímum,en á meðan þetta er þagað í hel þá sitja saklausir inni í fangelsum landsins. En kíkið á þetta, þar sem fjallað er um á link BBC (http://www.bbc.co.uk) og þar er hægt að leita að "False Rape Claims" í search og þá koma fréttir sem BBC hefur fjallað um á síðustu árum um falskar nauðgana ásakanir. Kynnið ykkur málið því við ættum öll að geta verið sammála um það að það er skömm allra, þó ekki væri nema einn sem sæti saklaus inni í fangelsi á Íslandi.                            Bjarni Tryggva 

Dómstólar látið undan múgæsingi

Þegar trúin, óttinn og fáfræðin taka völdin!

Trúarbrögð sem ala á ótta við heiðurs -missi í bland við misskilið stolt, fordóma og fáfræði er það hættulegasta sem er á sveimi hér í heimi þessa dagana og ef þeir blandast svo við ofstæki og hreina heimsku þá skaltu hlaupa sem fætur toga. Skelfilegt þegar Menning og trúarbrögð hrekja fólk svona fram af vitsmuna klettinum. Ekki það að kristnir hafi verið eitthvað siðmentaðri í gegnum aldirnar en eitthvað höfum við jú færst framar á hrossinu, allavegana svona á yfirborðinu en fordómar og fáfræði haldast ennþá þétt í hendur og munu gera svo lengi sem trúarbrögð berjast á banaspjótum við að hafa rétt fyrir sér og hafa völd yfir sót svörtum lýðnum. Hvernig er hægt að dæma svona fólk hinumegin á hnettinum ,frá annari menningu og öðrum trúarbrögðum er stundum spurt og oft er fátt um svör en sú skylda foreldris að vernda og elska barnið sitt ætti að vera ofar öllu öðru og þegar óttinn við álit annara er það sterkur að þú drepur barnið þitt á sem kvalafyllsta hått þá hefur trúin og menningin brugðist og oftast vegna þess að fólki er haldið fáfróðu og illa upplýstu af valdhöfum og sjálfskipuðum málpípum Guðs.

Sjá eftir því að hafa drepið dóttur