Ekkert nýtt hérna

Sjómaður skarst illa á fingri um borð í loðnuskipi djúpt norður af Vestfjörðum í nótt, fjarri allri læknisaðstoð. Félagar hans gripu til eigin ráða, komust í samband við lækni í gegn um vaktstöð siglinga og Gæsluna. Síðan saumuðu þeir skurðinn saman, samkvæmt tilsögn læknisins, þáðu ráðleggingar um lyfjagjöf, og snéru sér svo aftur að veiðunum. Læknir mun svo væntanlega taka saumana úr honum, næst þegar komið verður í land.

 

Svo mörg voru þau orð og þau hafa gert mig og marga aðra agndofa því þetta er daglegt brauð á Íslenskum skipum og hefur verið það frá fyrstu tíð því það eru ekki ráðnir læknar um borð um skip á Íslandi. Einhverjir Læknar hafa jú örugglega farið á sjó en ekki sem læknar, en þeir hafa þá komið sér vel ef slys ber að höndum en venjulega þá verða Íslenskir sjómenn að bjarga sér sem best þeir geta. Íslenskir stýrimenn eru margir hverjir orðnir mjög færir sárasaumarar og kippa sér ekki upp við að þurfa að sauma sár eða spelka saman brot. Þetta er eingin frétt fyrir sjómenn sem eru nær alltaf fjarri læknishjálp en gott samt að minna fólk á aðstæður Íslenskra sjómanna og sjómanna yfirleitt. Ást og friður!